DWIZ 882

Naglagay na ng hiwalay na lanes ang Philippine National Police (PNP) para sa lahat ng cargo deliveries na dadaan sa mga checkpoints.

Ayon kay PNP spokesman Brigadier General Bernard Banac, random na lamang ang ginagawang inspeksyon sa mga bagahe at kargo sa likod ng sasakyan at hindi na masusi tulad ng mga nakaraang araw.

Inaasahan rin anya na mas bibilis na ang usad sa mga checkpoints ngayong mayroon nang hiwalay na lane para sa mga cargo deliveries sa NLEX at SLEX. —ulat mula kay Jaymark Dagala (Patrol 9)

Inaasahang darating na ngayong weekend ang donasyong surgical masks at test kits mula sa China.

Ayon kay Foreign Affairs Secretary Teddy Boy Locsin, sinabihan sya ni Chinese Ambassador Huang Xillian na ikinakasa na nila ang chartered flight na magdadala ng 100,000 surgical masks at 100,000 testing kits para sa coronavirus disease 2019 (COVID-19).

Kasama rin sa ipadadala ang may 10,000 personal protective equipment at 10,000 N-95 masks.

Sinabi ni Locsin na hiniling rin sa kanya ni Huang na alertuhin ang Bureau of Customs sa pagdating ng chartered flight upang hindi na magkaroon ng aberya.

Nagpaalala ang ‘Laging Handa’ team ng pamahalaan sa mga puwede at hindi pwedeng gawin sa ilalim ng Luzon enhanced community quarantine.

Ayon kay Cabinet Secretary Karlo Nograles, general rule na manatili ang lahat sa loob ng tahanan.

Suspendido ang klase sa lahat ng lebel at walang pasok sa lahat ng tanggapan ng pamahalaan at pribadong sektor maliban sa ilang exemption.

Inaatasan ang barangay captain na tiyaking isang tao lamang sa bawat bahay ang lalabas upang mamili ng pangunahing pangangailangan.

Hindi naman maaaring lumabas ng bahay ang mga mabilis kapitan ng virus tulad ng mga senior citizens at may mga dati nang sakit tulad ng sakit sa puso, hypertension, diabetes at iba pa, gayundin ang mga buntis.

Maliban sa health workers, sundalo, pulis at media –ang iba pang puwedeng lumabas ng bahay ay ang mga empleyado ng mga supermarkets, groceries, convenience stores, wet market, drug stores, bangko at remittance centers.

Anim pang bagong kaso ng coronavirus disease 2019 (COVID-19) ang nadagdag sa araw na ito.

Dahil dito, inianunsyo ng Department of Health (DOH) na umaabot na ngayon sa 193 ang kumpirmadong kaso ng COVID-19 sa bansa.

Sa naturang bilang, pito (7) ang nakarecover na samantalang 14 ang nasawi.

Nagbabala si Health undersecretary Maria Rosario Vergeire na posibleng umabot sa 75,000 ang kaso ng COVID-19 sa bansa sa sandaling umabot na tayo sa pinaka-‘peak’ o tugatog ng pagkalat ng impeksyon.

Gayunman, malaki anya ang posibilidad na mabawasan ito kung magtatagumpay ang ipinatutupad na Luzon-wide community quarantine.

Nagbigay ng paglilinaw ang Department of Health (DOH) sa lumabas na pag-aaral na maaaring magtagal sa hangin at mga bagay ang coronavirus.

Ayon kay Health undersecretary Maria Rosario Vergeire, ang tinutukoy ng pag-aaral ay para lamang sa loob ng mga ospital.

Binigyang diin ni Vergeire na naililipat lamang ang coronavirus sa pamamagitan ng droplet transmissions at close contact sa mga taong mayroong dala ng virus.

Natuklasan ng mga siyentipiko na ilang oras ring nabubuhay sa hangin at mga bagay ang coronavirus disease 2019 (COVID-19).

Ibig sabihin, maaari pa rin itong maka-infect ng sinumang makalalanghap o hahawak sa bagay na nalagyan ng droplets mula sa isang tao na carrier na ng virus.

Batay sa pag-aaral ng National Institute for Allergy and Infectious Diseases, tatlong oras maaaring mamalagi sa hangin ang virus na galing sa droplets ng ubo o hatsing ng isang positibo sa COVID-19.

Samantala, tatlong araw naman ang itinatagal nito sa mga plastic at stainless steel at apat na oras sa copper at 24-oras sa cardboard.

Kumilos na si Senate President Tito Sotto III upang mapalawig ang deadline sa paghahain ng annual income tax return (ITR) na nakatakda sa April 15.

Ayon kay Sotto, tinawagan nya si Finance Secretary Carlos Dominguez at nangako naman ito na pag-aaralan ang kanyang panukala.

Nangako rin anya si Dominguez na agad magpapatawag ng meeting upang makabuo ng plano para sa extension ng paghahain ng ITR.

Una nang nanindigan ang Bureau of Internal Revenue (BIR) na nasa ilalim ng Department of Finance (DOF) na hindi na palalawigin pa ang deadline sa paghahain ng ITR.

Suspendido na muna ang lahat ng bola ng lotto, digit games at keno sa harap ng Luzon-wide community quarantine.

Ayon sa Philippine Charity Sweepstakes Office (PCSO), simula ngayong Miyerkules ay wala munang bola ang mga palaro ng PCSO.

Ganunman, nilinaw ng PCSO na ang suspensyon ng small town lotter ay para lamang sa Luzon na apektado ng quarantine.

Anim na ruta ang iikutan ng mga libreng sakay na handog naman ng Office of the Vice President.

Alas-6 ng umaga nang umarangkada ang mga shuttle buses para sa mga hospital workers at iba pang essential personnel.

Sa ilalim ay mga ruta na iikutan ng mga libreng sakay:

Route 1: RITM, Alabang to Jose Reyes Memorial Medical Center, Manila

• RITM Alabang
• Magallanes SLEX MRT (via Osmeña Highway, via Quirino Avenue)
• LRT1 Taft Avenue Station
• Philippine General Hospital, University of the Philippines-National Institute of Health
• Lawton, LRT1 Central Station
• LRT1 Carriedo Station
• LRT1 Recto Station
• LRT1 Tayuman Station
• Jose Reyes Memorial Medical Center

Route 2: Heritage Hotel, Pasay to Quezon Avenue MRT3, Quezon City

• Heritage Hotel, EDSA extension (via Roxas Boulevard, via Quirino Avenue)
• LRT1 Taft Avenue Station
• Philippine General Hospital, University of the Philippines-National Institute of Health
• Manila City Hall (via Quiapo)
• UST Hospital
• United Doctors Medical Center (via Welcome Rotonda, via Quezon Avenue)
• Philippine Orthopedic Center (Banawe, via Araneta Avenue)
• MRT3 Quezon Avenue

Route 3: SM MOA Globe corner EDSA, Pasay to Sta Lucia East Grand Mall, Cainta

• SM MOA Globe corner EDSA
• EDSA-Taft LRT1/MRT3 Station
• MRT3 Magallanes Station
• MRT3 Guadalupe Station
• MRT3 Shaw Station
• Cubao MRT3/LRT2 Station (via Aurora Boulevard, via C5 extension)
• Quirino Memorial Medical Center (via C5, Marcos Highway)
• LRT2 Santolan Station
• Sta. Lucia East Grand Mall, Cainta

Route 4: EDSA corner Macapagal Avenue, Pasay to LRT1 Monumento Station, Caloocan

• EDSA corner Macapagal Avenue
• EDSA-Taft LRT1/MRT3 Station
• MRT3 Magallanes Station
• MRT3 Guadalupe Station
• MRT3 Shaw Station
• Cubao MRT3/LRT2 Station
• East Avenue Medical Center
• Philippine Heart Center
• Lung Center of the Philippines (via Quezon Memorial Circle)
• Veterans Memorial Medical Center (via EDSA)
• LRT1 Monumento Station

Route 5: SM Fairview, Quezon City to Lawton/LRT1 Central Station

• SM Fairview (via Commonwealth Avenue, via Quezon Memorial Circle)
• East Avenue Medical Center
• Philippine Heart Center
• Lung Center of the Philippines (via Agham Road, via Quezon Avenue)
• Philippine Orthopedic Center
• United Doctors Medical Center (Welcome Rotonda, via España Boulevard)
• UST Hospital
• Lawton, LRT1 Central Station

Route 6: LRT1 Balintawak Station, Quezon City to Heritage Hotel, Pasay

• LRT1 Balintawak Station
• MRT3 Quezon Avenue Station
• GMA
• MRT3 Kamuning Station
• MRT3 Cubao Station
• MRT3 Santolan–Annapolis Station
• MRT3 Ortigas Station
• EDSA corner Kalayaan Avenue
• MRT3 Ayala Station
• MRT3 Magallanes Station
• Heritage Hotel corner EDSA extension