DWIZ 882

Nanawagan sa gobyerno ang isang ekperto na paghandaan pa ng husto ang mga bagyong papasok sa ating bansa.

Sinabi ito ni Civil Engineer at Wind Dynamics Expert Joshua Agar ng University of the Philippines (UP) matapos ihayag ng PAGASA na papalo pa sa siyam hanggang sampung bagyo ang papasok sa Philippine Area of Responsibility (PAR) bago matapos ang 2022.

Sa panayam ng DWIZ, sinabi ni Agar na dapat mas iprayoridad ang disaster preparation at hindi lang ang disaster relief.

Bukod dito, kailangan ding ire-evaluate ang mga istruktura at pagpapaganda sa mga evacuation center.

Sa ngayon, panawagan ni Agar na pag-aralang mabuti ang mga aktibidad na may kinalaman sa kalikasan at pagtuunan ng pansin ang pagsisiyasat para sa pagpapabuti ng disaster response sa bansa. –  sa panulat ni Hannah Oledan

Hindi pa epektibo ang ipinatupad na dagdag-pasahe sa mga Public Utility Vehicles (PUV).

Ito ang inamin ni Orlando Marquez, Presidente ng Liga ng Transportasyon at Operators sa Pilipinas (LTOP) kasabay ng pagsisimula ng implementasyon ng taas-pasahe ngayong araw.

Ayon kay Marquez, wala pang natatanggap na fare matrix ang karamihan sa mga Public Utility Jeepneys (PUJ) sa Metro Manila na basehan kung maniningil na ng karagdagang pasahe.

Sa susunod na linggo pa aniya ito posibleng dumating na matatanggap ng kanilang 70 hanggang 80% na miyembro.

Nabatid na batay sa datos ng LTFRB Central Office, 463 fare matrix pa lamang mula sa target na 39,211 sasakyan ang naipalabas.

Hirit naman Nizaldy Ping-Ay na Presidente ng Stop&Go Coalition na gawing simple angmga requirement sa pag-a-apply para sa fare matrix upang pabilisin ito.

Mababatid na hinikayat ng LTFRB ang mga PUV operator na mag-apply para sa fare matrices nang maaga upang maiwasan ang near-deadline rush. –  sa panulat ni Hannah Oledan

Asahan na ang mas matingkad na kalangitan sa gabi sa unang dalawang linggo ng buwang ito.

Dahil ito ayon sa PAGASA sa Draconid Meteor shower na aktibo mula October 6 hanggang 10.

October 9 ang sinasabing climax ng nasabing meteor shower na magdadala ng sampung meteor kada oras.