DWIZ 882

Ligtas na sa kaso ng COVID-19 ang nasa 14 na bayan sa Isabela matapos maging COVID-19 free.

Kabilang sa mga lugar ay ang Alicia, Benito Soliven, Cabagan, Dinapigue, Naguilian, Palanan, Quirino, Reina Mercedes, San Agustin, San Guillermo, San Pablo, Sta. Maria, Sto. Tomas, at Tumauini.

Ayon sa Provincial Information Office, nasa 80 na ang aktibong kaso sa kanilang lugar habang nasa 28 naman ang mga bagong gumaling sa sakit dahilan para maitala ang kabuuang 58,562 habang 2,061 naman ang total COVID-19 related deaths.

Sa ngayon, nasa 60,703 na ang kabuuang bilang ng mga tinamaan ng COVID-19 sa nasabing probinsya.——sa panulat ni Angelica Doctolero

Planong magsagawa ng Department of Information and Communications Technology (DICT) ng operasyon upang masuportahan ang responders at rescue operations personnel sa disaster-stricken areas.

Magde-deploy ang naturang ahensya sa pamamagitan ng government emergency communications system kung saan, tatlong mobile operations vehicles for emergency ang gagmitin sa ilang bahagi ng bansa.

Sa ngayon, naglagay na nang move units sa ilang lugar sa bansa kabilang na ang Pampanga, Metro Manila, Batangas, Tacloban, Butuan, at Davao.——sa panulat ni Angelica Doctolero

Nilinaw ni Senator Grace Poe na dapat nang madaliin ng Philippine Health Insurance Association o Philhealth ang pagbabayad ng kanilang utang sa mga ospital upang hindi mapariwara ang paghahatid ng serbisyong medikal sa bansa partikular na sa mga mahihirap na Pilipino.

Ayon kay Poe, posibleng kumalas ang ilang pagamutan kung hindi makakapagbayad ang Philhealth sa mga ito.

Nabatid na napipilitan nang mag-abono ang ilang mga pagamutan dahil sa hindi pagbayad ng nabanggit na ahensiya.—sa panulat ni Angelica Doctolero

Umapela ang iba’t ibang transport group sa pamahalaan na ipagamit na sa mga provincial bus ang mga terminal sa National Capital Region (NCR).

Ayon sa nagkakaisang samahan ng mga nangangasiwa ng panlalawigang bus sa Pilipinas Inc., at iba pang mga unyon ng transport workers dapat nang alisin ng IATF, DOTR at MMDA ang kautusan sa pagbabawal sa paggamit ng mga private terminal kasunod ng pagbubukas ng ekonomiya lalo na ngayong nasa ilalim pa rin ng alert level 2 status ang buong bansa hanggang sa December 31.

Layunin nitong matulungan ang libo-libong mga pasahero na hirap sa kanilang biyahe papasok sa trabaho at papauwi sa kanilang mga bahay.

Bukod pa dito, makatutulong din ito upang hindi na mawalan ng trabaho ang mahigit 50,000 manggagawa sa sektor ng transportasyon.—sa panulat ni Angelica Doctolero