DWIZ 882

Pormal nang ipinagharap ng Pasig City Police ng kasong Robbery ang 4 na Pulis Taguig at sibilyang kasabawat nilang naaresto dahil sa pagnanakaw ng P30M mula sa Japanese National at asawa nitong Pinay sa Brgy. Kapitolyo nitong araw ng Sabado.

Ayon kay Pasig City Police Chief P/Col. Roman Arugay, kabilang sa mga kinasuhan ay sina P/SSgt. Jayson Bartolome, Cpl. Merick Desoloc, P/Cpl. Christian Jerome Reyes at Pat. Kirk Almojera na pawang nakatalaga sa Taguig City Police at AJ Mary Agnas na siyang staff ng mag-partner.

Habang patuloy namang tinutugis ang 2 pang mga suspek na kinilalang sina Ferdinand Fallaria, isang dating pulis NCRPO at isang Rowel Galon.

Kalaboso ang 5 suspek na nakita sa CCTV habang nasibak na rin ang 4 na pulis gayundin ang Station Commander ng Sub station 1 na si P/Maj. Nimrod Balgemino habang nagpaptuloy ang imbestigasyon sa insidente. —ulat mula kay Jaymark Dagala (Patrol 9)

Nanguna ang Central Visayas sa nakapagtala ng may pinakamaraming bilang ng mga nasawi dahil sa pananalasa ng bagyong Odette

Batay iyan sa datos ng PNP Command Center nang makapagtala ito 208 na kabuuang bilang ng mga nasawi kung saan 129 dito ang sa Central Visayas

Ayon kay PNP Spokesman P/Col. Roderick Alba, 41 ang nasawi sa CARAGA, 24 sa Western Visayas, 7 sa Northern Mindanao, 6 sa Eastern Visayas at 1 sa Zamboanga Peninsula

Ilan sa mga ito ay nalunod, nabagsakan ng puno at debris gayundin ang pagkakabaon sa gumuhong lupa

Maliban sa mga nasawi, 52 ang naitala ng PNP na nawawala habang 239 na nasaktan dahil sa Bagyo  —ulat mula kay Jaymark Dagala (Patrol 9)

Nakauwi na sa Pilipinas ang walong Overseas Filipino Workers na biktima ng Human Trafficking at Illegal Recruitment sa Syria, sa tulong ng Department of Foreign Affairs.

Dating kinupkop ng Embassy shelter ang walong Pilipino, at dahil sa Repatriation ay muling nabakante ang nasabing shelter.

Nagpapasalamat naman ang mga biktima sa pagtutulungan ng DFA at Philippine Embassy upang sila ay masaklolohan at mapauwi sa Pilipinas.  —sa panulat ni Mara Valle

Nagsimula nang kumilos ang Philippine Navy at Philippine Air Force sa pagdadala ng supplies at relief goods sa mga lugar na nasalanta ng Bagyong Odette.

Sa pamamagitan ng C-130 planes ay naihatid ang tinatayang 33,797 lbs na relief goods.

Kabilang dito ang mga tents, sako ng bigas, mga gallon ng tubig, mga de lata, toiletries, mga damit na donasyon at generator sets. —sa panulat ni Mara Valle

Nananatiling Vote Rich Regions sa 2022 polls ang CALABARZON, National Capital Region at Central Luzon.

Ayon kay COMELEC Spokesman, James Jimenez, ang Region 4A o CALABARZON na binubuo ng Cavite, Laguna, Batangas at Quezon, ang may pinakamaraming bilang ng registered voters na tinatayang nasa mahigit 9.1M.

Sinundan naman ito ng NCR, na may mahigit 7.3M voters, at Region 3 o Central Luzon naman na mayroong mahigit 7.2M voters.

Ang mga botante ng rehiyon ay 23.8M na, katumbas ng 32.23% ng 65,745,529 na kabuuang bilang ng mga registered voters sa buong Pilipinas.  —sa panulat ni Mara Valle

Nagbanta si Labor Secretary Silvestre Bello III ng deployment ban ng  overseas filipino workers o ofw’s sa Kingdom of Saudi Arabia dahil sa patuloy na pagkaantala sa settlement ng mahigit P5.1 bilyong unpaid salaries ng mahigit 11,000 overseas workers.

Aniya, kung hindi pa rin ito maaayos ay irerekomenda niya kay Pangulong Duterte ang totall deployment ban ng ofw’s sa naturang bansa.

Ayon kay Bello, marami sa distressed ofws ang nagkasakit habang ang iba naman ay namatay na sa paghihintay ng kanilang sahod mula sa kanilang mga employer sa Saudi.

Sinabi pa ng kalihim na handa ang DOLE sa pagtugon sa alalahanin ng  Saudi’s Ministry of labor hinggil sa  recruitment process ng ofws.

Aniya, bumuo na ang dalawang gobyerno ng kani-kanilang technical working groups upang resolbahin ang isyu na may kaugnayan sa labor-related issues.

Ngunit ayon kay Bello, dapat munang bayaran ang mga ofw.