DWIZ 882

Nasunog ang isang Residential area sa Luzon St., kahabaan ng Estero de Magdalena, Brgy. 266, Zone 24, District II, Tondo, Maynila kahapon.

Sa inisyal na imbestigasyon ng mga otoridad, tinupok ng apoy ang tatlong palapag na bahay na pagmamay-ari ng isang Virgilio Payawal kung saan, aabot sa P50K ang naabo sa sumiklab na sunog.

Wala namang naiulat na nasawi o nasugatan sa sunog pero aabot sa mahigit 25 pamilya ang naapektuhan matapos madamay sa nasunog na bahay.

Sa ngayon, inaalam pa ng arson investigator ang sanhi ng sunog.   —sa panulat ni Angelica Doctolero

Sumuko na sa Comembo Sub Station ng Makati City Police ang suspek sa pamamaril sa pitong biktima sa gitna ng pagsalubong ng bagong taon sa Makati City.

Kinilala ang suspek na si Roderick Perez y Talledo, 41-anyos, isang Safety and Medical Service Officer ng Red and Blue Medical Services Company.

Sa imbestigasyon ng mga otoridad, masayang nag-iinuman ang 7 biktima nang dumaan ang isang suspek sakay ng isang motorcycle scooter kung saan, magpaparking sana ang ito pero agad siyang sinita ng mga biktima dahil sa maling pagparking nito sa kalsada.

Nang makauwi ang suspek ay agad itong bumalik sa lugar dala ang isang Caliber .45 at pinagbabaril ang mga biktima.

Naisugod pa sa ospital ang mga biktima pero agad ding binawian ng buhay ang tatlo habang kritikal naman sa ospital ang apat sakanila.

Narekober sa pinangyarihang insidente ang ilang basyo ng bala, fired bullet metallic jacket at lead core ng nabanggit na baril.

Nahaharap sa tatlong bilang ng kasong murder at multiple attempted murder ang isasampang kaso laban sa suspek.  —sa panulat ni Angelica Doctolero

Makakaranas parin ng maulap na may mga pag-ulan ang silangang bahagi ng Luzon partikular na sa Palawan Area bunsod parin ng epekto ng hanging amihan at shearline.

Magiging maulap na may pulu-pulong pag-ulan ang natitirang bahagi ng Luzon partikular na sa Metro Manila.

Asahan din ang maulap na may kalat-kalat na pag-ulan, pagkulog at pag-kidlat sa buong bahagi ng visayas at mindanao partikular na ang eastern Visayas at CARAGA Region kaya pinag-iingat ng pagasa ang mga residente sa lugar sa posibleng pagbaha at pagguho ng lupa.

Agwat ng temperatura sa Metro Manila ay nasa 22 hanggang 30°C habang sumikat naman ang haring araw kaninang 6:21 ng umaga at lulubog naman ito mamayang 5:39 ng hapon.  —sa panulat ni Angelica Doctolero

Alam niyo ba na may benepisyong makukuha ang pag-inom ng Oral Contraceptives Pills (OCP)?

Ito ay makakatulong para maiwasang mabuntis ang isang active sa pakikipagtalik at para maregulate ng tama ang menstrual cycle ng isang babae.

Isa din ito sa nirereseta ng mga doktor sa mga nakakaranas ng Polycystic Ovary Syndrome (PCOS) ang tinatawag na hormonal imbalance upang maging regular ang menstration ng mga kababaihan.

Ang pills din ang siyang pumipigil sa ovary ng babae para maglabas ng itlog tuwing ovulation day ng isang babae.

Pinapakapal din nito ang cervical mucus ng isang babae na nagsisilbing harang para hindi mameet ni sperm cell si egg cell.

Samantala, mayroon namang epektong idinudulot ang pag-inom ng pills kabilang na ang pagkakaroon ng pimples, bleeding, spotting, pagtaas ng blood pressure, depression, fatigue, pagkahilo, fluid retention o ang hindi masyadong paglalabas ng fluid sa katawan, head ache, increased appetite o ang pagiging magana sa pagkain.

Karamihan din sa mga babaeng umiinom nito ay ang hirap sa kanilang pagtulog, melasma o pagkakaroon ng dark patches sa bahagi ng mukha, mood swings, pagduduwal o pagsusuka, pagsakit ng bahagi ng dibdib at pagtaas ng timbang.

Bukod pa dito, maari ding magkaroon ng blood clot, gallbladder disease, heart attack, high blood pressure, liver cancer at stroke.   —sa panulat ni Angelica Doctolero

Kasabay ng pagbilis ng hawaan o reproduction rate, bahagya pang tumaas sa 28.7% ang COVID-19 positivity rate sa Metro Manila hanggang kahapon kumpara sa 28% noong sabado.

Ayon kay OCTA Research Group Fellow, Dr. Guido david, nangangahulugan ito na kada 100 taong itine-test, 28.7% ang nag-po-positibo sa COVID-19.

Dahil anya mababa ang testing output, magreresulta ito sa pagbaba ng mga bagong kaso sa NCR

Samantala, naniniwala si David na ang patuloy na pagdami ng mga COVID-19 positive individuals na dinadala sa ospital ay sanhi ng mas nakahahawang Omicron variant.  —sa panulat ni Drew Nacino

Muling nagpatupad ng mahigpit na COVID-19 restrictions sa Lungsod ng Maynila kasabay ng pagbabalik ng Alert Level 3 sa Metro Manila dahil sa pagtaas na naman ng bilang ng nagkakasakit.

Kinumpirma ni Manila Mayor Francisco “Isko Moreno” Domagoso na nagsagawa sila ng emergency meeting kasama ang medical experts at city health office upang ilatag ang kanilang mga plano at preparasyon para sa mga susunod na linggo.

Mula sa average na 70 hanggang 90 COVID-19 patients, sumampa na sa 574 ang active cases sa lungsod hanggang kahapon.

Kabilang sa ibinalik ang curfew para sa mga menor de edad simula alas-10 ng gabi hanggang alas-4 ng madaling araw kinabukasan, pagbabawal sa mga hindi bakunadong pumunta ng malls at sumakay sa public transportation;

Suspensyon ng face-to-face classes sa primary at secondary levels habang mag-o-operate ang Manila City Hall sa 30% capacity.   —sa panulat ni Drew Nacino

Pansamantalang ipinasara ang Philippine Embassy sa Brussels, Belgium matapos tamaan ng COVID-19 ang ilan sa kanilang empleyado.

Ayon sa Embahada, simula noong disyembre a –30 hanggang sa Enero a-7ay sarado ang kanilang gusali.

Ito’y bilang pagtalima sa health protocols at kaligtasan ng publiko sa harap ng paglobo ng COVID-19 Omicron variant sa Europa.

Hindi naman idinetalye ng embahada kung ilang empleyado ang nagpositibo sa COVID.

Magbabalik ang kanilang operasyon sa lunes, Enero a-10.   —sa panulat ni Drew Nacino