Patay ang 4 na miyembro ng pamilya matapos makalanghap ng toxic fumes o usok makaraang masunog ang kanilang bahay sa isang Village ng Southern Lebanon.
Ayon kay Resala Health Ambulance Association Officer Youssef Al-Dor, nawalan ng malay at nasunog ang isang ina kasama ang tatlo nitong anak na nasa edad, 4, 7 at 8 matapos matrap sa kanilang kwarto.
Inaalam pa ng mga otoridad ang dahilan ng sunog sa lugar. —sa panulat ni Angelica Doctolero
Sugatan ang 10 Persons Deprived of Liberty (PDL) matapos maganap ang isang riot sa loob ng New Bilibid Prison.
Ayon kay Bureau of Corrections Spokesperson Gabriel Chaclag, naganap ang insidente sa loob ng Maximum Security Compound alas-6 ng hapon kahapon kung saan, agad na nagsagawa ng operasyon ang mga tauhan ng BuCor para maitigil ang halos isang oras na kaguluhan.
Narekober sa loob ng kulungan ang iba’t ibang klase ng panaksak kabilang na ang sumpak at patalim.
Sa ngayon, nagsasagawa na ng malalimang imbestigasyon ang boc katuwang ang National Capital Region Police Office (NCRPO). —sa panulat ni Angelica Doctolero
Patay ang 7 indibidwal habang sugatan naman ang 13 pa sa aksidente ng bus sa Mountain Highway ng Nepal, South Asia.
Ayon kay Government Administrator Shashi Dhar Ghimire, binabaybay ng naturang bus ang Laguwa Mountain Village mula sa West Kathmandu sakay ang 35 indibidwal nang maganap ang aksidente.
Inaalam pa ng mga otoridad kung ang makapal na hamog ang dahilan ng aksidente sa nabanggit na lugar. —sa panulat ni Angelica Doctolero
Nagpatupad na ng forced evacuation ang ilang lugar sa Visayas at Mindanao matapos bahain dulot ng walang tigil na malakas na ulan dulot ng hanging Amihan.
Inilikas ng Public Information Office ang mga residente sa mga Landslide Prone Areas kabilang na ang Navalca, Barangay San Juan, at Silay Hills sa Barangay Taft, Surigao City maging ang ilang parte ng Cantilan sa Surigao del Sur dulot ng pagbaha.
Binaha rin ang Barangay Talisay sa Bayan ng Libagon, Southern Leyte matapos umabot hanggang dibdib ang taas ng tubig dahil parin sa walang tigil na pag-ulan.
Ayon sa PAGASA, ang shear line o ang pagsalubong ng northeast wind at easterlies ang dahilan ng pag-ulan na naka-apekto sa ilang lugar sa Visayas at Mindanao. —sa panulat ni Angelica Doctolero
Epektibo na ngayong araw ang istriktong implementasyon ng Alert Level 3 sa Metro Manila.
Ayon sa Metropolitan Manila Development Authority (MMDA), tumaas ng mahigit 700% ngayong linggo ang average daily cases sa bansa kumpara sa nakaraang linggo.
Matatandaang ibinalik ng Inter-Agency Task Force (IATF) sa Alert Level 3 ang sitwasyon sa National Capital Region (NCR) dahil sa epekto ng muling pagsirit ng kaso ng COVID-19 dulot ng mga nagdaang holiday activities.
Asahan naman ngayong araw na magiging mas mahigpit ang health and safety protocols o guidelines na ipatutupad ng IATF upang mapigilan ang pagkalat ng nakakahawang sakit. —sa panulat ni Angelica Doctolero
Ipatutupad na ngayong araw ng Pamahalaang Lokal ng Valenzuela City ang implementasyon sa linya ng mga bisikleta mula Malanday hanggang Marulas sa bahagi ng Mac Arthur Highway kasabay ng pagpapatupad ng Alert Level 3 sa Metro Manila.
Base sa City Ordinance No. 269, sa unang paglabag ay pagsasabihan lamang ang mga violators habang pagmumultahin naman ng P200 hanggang P500 sa second offense.
Ayon sa Valenzuela City Government, ang mahuhuling bikers ay hihingan ng identification na inisyu ng gobyerno, gaya ng police clearance at voters ID habang school ID naman para sa mga minors.
Ang mga violators na walang maipapakitang id ay dadalhin sa City External Services Office ang kanilang bisikleta para i-impound.
Samantala, may parusa din ang ibang motorista partikular na ang 4-wheels na babaybay o mag-ookupa sa bike lane at pagmumultahin din ang mga ito sa pamamagitan ng no contact apprehension policy.
Layunin ng Valenzuela City LGUs na mabigyang proteksyon ang mga bikers at electric scooter sa mga aksidente. —sa panulat ni Angelica Doctolero
Isinara kahapon ang Ospital ng Malabon para sa mga outpatient at kaso ng COVID-19 matapos magpositibo sa COVID-19 ang 19 na healthcare workers.
Kasunod ito ng ikinasang disinfection at swab testing sa 40 kawani sa naturang ospital.
Ayon sa Lokal na Pamahalaan, pansamantala munang dadalhin sa Super Health Center sa Barangay Catmon ang mga outpatient at mga residenteng may mga kaso na walang kaugnayan sa COVID-19.
Patuloy pang minomonitor ang mga nagpositibo sa COVID-19 habang tatagal naman hanggang bukas, January 4, ang pagsasara sa nasabing ospital.
Para sa mga may katanungan, maaaring makipag-ugnayan ang mga residente sa Malabon Command Center at tignan ang kanilang Facebook Page para sa karagdagang anunsiyo. —sa panulat ni Angelica Doctolero
Patuloy na tumataas ang admission ng mga pasyenteng positibo sa Corona Virus Disease sa Philippine General Hospital (PGH) sa nakalipas na 6 na araw.
Ayon kay PGH Spokesperson Dr. Jonas Del Rosario, kailangan pa ng mas maraming beds sa kanilang ospital dahil tatlong beses na tumaas sa 85 ang admission noong buwan ng Disyembre.
Sinabi pa ni Del Rosario na nakikipag-ugnayan na sila sa iba pang COVID-19 referral hospitals at quarantine facilities bilang paghahanda sa posibilidad na pagsipa ng admission sa PGH. —sa panulat ni Angelica Doctolero
Nadetect ang kauna-unahang panibagong variant ng COVID-19 sa Petah Tikva, Israel nito lamang Enero a-1.
Ang panibagong impeksiyon ng COVID-19 ay tinatawag na “Florona Variant” na pinagsamang Corona Virus Disease at Influenza na umaatake sa ating respiratory system kabilang na ang ilong, lalamunan at baga.
Natukoy ang nasabing variant sa isang buntis na nanganak sa Rabin Medical Center sa nasabing lugar at nakakaranas ng nabanggit na sakit pero hindi nagpakita ng sintomas.
Sa ngayon, kasalukuyang sinusuri ng Health Ministry ng Israel ang kaso ng impeksyon dahil posibleng may iba pang nahawahan ng Florona Variant ang naturang pasyente.
Ayon sa World Health Organization, ang pagbabakuna ang pinakamabisang paraan upang maiwasan ang ibat-ibang uri ng impeksyon. —sa panulat ni Angelica Doctolero
Inihayag ng Yale University, Ministry of Health ng Dominican Republic at iba pang institusyon na mas mababa ang immune response ng dalawang dose ng Sinovac vaccine kung susundan ng booster shot ng Pfizer-Biontech laban sa Omicron variant.
Base sa pag-aaral, lumalabas na hindi gaanong ka-epektibo ang pinagsamang bakuna ng Sinovac at Pfizer dahil mas mababa ng 6.3-fold ang antibody levels nito laban sa Omicron kung ikukumpara sa ibang strains ng COVID-19 kabilang na ang Delta variant.
Nabatid na ang Coronavac recipients ay kailanganin pa ng dalawang karagdagang booster doses upang makamit ang protective levels laban sa Omicron. —sa panulat ni Angelica Doctolero