Author

DWIZ 882

DOTr, dumipensa sa mga bumabatikos sa “No Vaccination, No Ride”

Dinepensahan ng Department of Transportation (DOTr) ang implementasyon ng “No Vaccination, No Rides” policy laban sa mga kritisismo kasunod ng anunsiyong, exempted sa nasabing rules o papayagang makasakay sa pampublikong transportasyon ang mga hindi pa bakunadong indibidwal na papasok sa kanilang mga trabaho.

Ayon kay DOTr Secretary Arthur Tugade, mas malilimitahan ng naturang polisiya ang mga hindi essential travels ng mga unvaccinated individuals dahil papayagan lamang makasakay ang mga pasaherong magpapakita ng katunayan na sila ay papasok sa kanilang trabaho.

Sa kabila nito, umapela sa publiko ang DOTr na magkaroon ng kooperasyon kaugnay sa pagsunod sa ipinatutupad na batas. —sa panulat ni Angelica Doctolero

January 20, 2022 0 comment

NATIONAL NEWS RONDA PROBINSYA

Amerikanong wanted dahil sa child porn, arestado sa CDO

written by DWIZ 882

Arestado ang isang Amerikanong most wanted sa kaniyang bansa sa possession at distribution ng child pornography.

Kinilala ang banyagang suspek na si Gregory Evans Nelson.

Ayon kay Ansari Macaayan, Intelligence Officer ng Bureau of Immigration (BI), mayroong 34 na kasong nakabinbin laban kay Nelson kaugnay sa child pornography.

Na-revoke na ang passport ni Nelson at meron na siyang existing summary deportation order mula sa BI.

Samantala, dinala sa immigration detention facility sa Davao City si Nelson habang naghihintay sa kanyang deportation.—sa panulat ni Mara Valle

January 20, 2022 0 comment

ENTERTAINMENT HEADLINES

Janella Salvador, nagpa-liposuction para ibalik ang kaniyang magandang pangangatawan

written by DWIZ 882

Inihayag ni Dra. Vicki Belo na sumailalim saliposuction si Janella Salvador matapos ang kaniyang pagbubuntis sa kanilang anak ni Markus Paterson na si baby Jude.

Una nang kinumpirma ni Janella ang nasabing procedure para maibalik ang kaniyang “confidence” maging ang payat at magandang katawan upang muling makapagtrabaho.

Sa Tiktok video na ipinost ni Dra. Belo, ibinahagi niya kung paano ang naging proseso sa “360 degree liposuction” o ang fat removal procedure para muling pumayat si Janella.

Ayon kay Bello, kabilang sa mga tinanggalan ng taba mula sa katawan ni Janella ay ang braso, likod at abdomen para ibalik ang kaniyang dating katawan at timbang. —sa panulat ni Angelica Doctolero

January 20, 2022 0 comment

HEADLINES RONDA PROBINSYA

3 babae nahulihan ng P1-M halaga ng droga, arestado

written by DWIZ 882

Arestado ang tatlong babae matapos makuhanan ng mahigit isang milyong piso na halaga ng shabu sa Navotas City.

Kinilala ang mga suspek na sina Kyla Marie Legaspi, 19 anyos, kapatid nitong si Kristal Shaine Legaspi, 22 anyos at Marissa Adalla, 29 anyos.

Ayon sa Navotas City Police, nagkunwaring poseur buyer sina Pssg. Christian Oclares at Patrolman Henry Quinagon at bumili ng halagang p2,500 shabu sa magkapatid na Legazpi, kung saan kasama nila si Adalla.

Matapos ang transaksiyon, dinampot na ng ibang pulis na naroroon ang nasabing tatlong Maria.

Nasamsam sa kanila ang kabuuang 162 gramo ng shabu na may market price na 1,101,600 pesos.

Kasalukuyang nasa kustodiya ng mga otoridad ang mga suspek na mahaharap sa kasong paglabas sa Comprehensive Dangerous Drugs Act of 2002.—sa panulat ni Mara Valle

January 20, 2022 0 comment

HEADLINES SPORTS

Mga fully vaccinated UFC fighters, hindi na isasailalim sa quarantine

written by DWIZ 882

Kinumpirma ni UFC Chief Business Officer Hunter Campbell, na hindi na kailangang isailalim pa sa isolation o quarantine ang mga fully vaccinated UFC fighters bago maganap ang kanilang laban ngayong linggo na gaganapin sa Anaheim, California.

Ayon kay Campbell, tanging ang mga atletang unvaccinated na lalaro o sasabak sa UFC 270 ang ilalagay sa pagsusuri ng dalawang beses sa loob ng isang linggo at kailangan ding sumailalim sa quarantine.

Samantala, kailangan ring mag-negatibo ang mga nabakunahang atleta maging ang mga nakakaranas ng sintomas ng COVID-19 sa isang pre-arrival test at susuriin din para sa COVID bago payagang umalis.

Ang nasabing mga protocol ay inilatag ng California State Athletic Commission (CSAC) na sinuportahan ng UFC. —sa panulat ni Angelica Doctolero

January 20, 2022 0 comment

NATIONAL NEWS

Mobile at broadband global performance rankings ng PH, umangat noong Disyembre 2021

written by DWIZ 882

TUMAAS ang mobile at broadband global performance rankings ng Pilipinas noong Disyembre 2021.
Ito’y batay sa pinakahuling Ookla Speedtest Global Index kung saan mula sa 46.44 mbps noong Nobyembre ay bumilis pa sa 50.26 mbps ang fixed broadband sa bansa sa huling buwan ng nakaraang taon.
Nabatid na ang latest download speed ay katumbas ng 8.22% month-to-month at 9-notch improvement sa global ranking para safixed broadband.
Maliban dito, bumuti rin ang mobile speed sa bansa na nakapagtala ng download speed na 19.20mbps mula sa 18.68mbps kung saan ang latest download speed ay nagkaroon ng 2.78% month-to-month increase sa speed para sa mobile.
Dahil dito, umakyat sa ika-63 ang Pilipinas sa fixed broadband speed mula sa 178 na bansa at pang-89 sa mobile speed mula sa 138 na bansa.

January 20, 2022 0 comment

HEADLINES NATIONAL NEWS

Utang ng PhilHealth sa IMAP, umakyat na sa halos P180-M

written by DWIZ 882

Umabot na sa halos P180-milyon ang utang ng Philippine Health Insurance Corporation (PhilHealth) sa Integrated Midwives Association of the Philippines (IMAP).

Ayon kay Patricia Gomez, OIC ng IMAP, paunti-unti ang nagiging pagbayad ng PhilHealth.

Dahil dito, nakiusap ang kanilang hanay sa PhilHealth na mabayaran ang kanilang mga utang kahit sa mga lugar na sinalanta ng bagyong Odette.

Pag-amin pa ni Gomez, minsan na rin nilang naisipang magsagawa ng “PhilHealth holiday,” ngunit hindi na itinuloy dahil sa awa sa mga pasyente. —sa panulat ni Abigail Malanday

January 19, 2022 0 comment

HEADLINES NATIONAL NEWS

Samahan ng mga drugstore, humiling ng training para sa pag-arangkada bukas ng ‘resbakuna sa bakuna’

written by DWIZ 882

Humiling ng training ang samahan ng mga drugstore kasabay ng pag-arangkada bukas ng pilot vaccination kontra covid-19 sa mga botika.

Ayon kay Drugstores Association of The Philippines Chairman of the Board Jovelun Blancaflor, bagama’t natutuwa sila na ikinokonsidera ng gobyerno na gawing vaccination site ang mga botika, hindi pa sila handa na magbakuna sa publiko.

Maliit na botika rin aniya ang mga miyembro nila at nakadepende sila sa Philippine Pharmacists Association.

Bukas, pitong botika ang kasali sa inisyal na rollout sa Enero a-20 at 21. —sa panulat ni Abigail Malanday

January 19, 2022 0 comment

HEADLINES NATIONAL NEWS

Pangulong Rodrigo Duterte, inaprubahan na ang pagpapalabas ng P1.185-B para sa SRA ng mga healthcare workers

written by DWIZ 882

Inaprubahan na ni Pangulong Rodrigo Duterte ang pagpapalabas ng P1.185 bilyon para sa special risk allowance (SRA) ng mga healthcare workers sa pribado at pampublikong ospital.

Pagkumpirma ni Senator Christopher Bong Go, iko-cover nito ang mga healthcare workers na hindi pa nanakatanggap ng sra.

Una nagpalabas ang gobyerno ng P8 bilyon para sa sra ng 496,314 healthcare workers mula December 20, 2020 hanggang June 30, 2021. —sa panulat ni Abigail Malanday

January 19, 2022 0 comment

HEADLINES NATIONAL NEWS

IATF, inaprubahan na ang bagong guidelines para sa Covid-19 quarantie, isolation at testing

written by DWIZ 882

Inaprubahan na ng Inter-Agency Task Force (IATF) ang nirebisang guidelines para sa covid-19 quarantie, isolation at testing.

Ayon kay Department of the Interior and Local Government (DILG) Secretary Eduardo Año na vice chairperson din ng IATF, kasama sa inaprubahan ang mas maikling quarantine at isolation period.

Habang kabilang din dito na maging optional ang testing para sa Covid-19.

Maaaring i-apply ang bagong guidelines sa publiko at lahat ng healthcare workers sa bansa. —sa panulat ni Abigail Malanday

January 19, 2022 0 comment

Newer Posts

Older Posts