Drew Nacino

Pinayagan na ng COMELEC ang hiling ng kampo ni Vice President Leni Robredo para sa random examination ng printed ballots.

Ayon kay COMELEC Commissioner George Garcia, pitong miyembro ng En Banc ang nagkasundo upang pagbigyan ang apela ni Election Lawyer Romulo Macalintal na suriin ng mga kinatawan ng mga kandidato at political parties ang tatlo sa limang balota sa bawat bayan.

Ito’y upang tignan kung lahat ng security features ay nasa lugar at hindi pre-shaded

Inihayag ni Garcia na ang issue ay napag-usapan at itatakda sa susunod na linggo sa ilalim ng mga alituntunin.

Inilarawan ng poll body official ang random ballot sampling na hiling bilang “makatwiran” upang matiyak ang transparency at mawala ang anumang pagdududa sa integridad ng buong proseso ng halalan.

Hiniling din ni Macalintal na payagan ng poll body ang mga watcher mula sa political groups na silipinang proseso ng pag-iimprenta.

Pinayagan na ng COMELEC ang hiling ng kampo ni Vice President Leni Robredo para sa random examination ng printed ballots.

Ayon kay COMELEC Commissioner George Garcia, pitong miyembro ng En Banc ang nagkasundo upang pagbigyan ang apela ni Election Lawyer Romulo Macalintal na suriin ng mga kinatawan ng mga kandidato at political parties ang tatlo sa limang balota sa bawat bayan.

Ito’y upang tignan kung lahat ng security features ay nasa lugar at hindi pre-shaded

Inihayag ni Garcia na ang issue ay napag-usapan at itatakda sa susunod na linggo sa ilalim ng mga alituntunin.

Inilarawan ng poll body official ang random ballot sampling na hiling bilang “makatwiran” upang matiyak ang transparency at mawala ang anumang pagdududa sa integridad ng buong proseso ng halalan.

Hiniling din ni Macalintal na payagan ng poll body ang mga watcher mula sa political groups na silipin ang proseso ng pag-iimprenta.

Sugatan ang isang kandidato sa pagka-alkalde sa bayan ng Calamba, Misamis Occidental makaraang pagbabarilin ng riding-in-tandem.

Kinilala ang biktimang si George Matunog, Jr. na binaril ng hindi nakilalang salarin habang naglalakad sa gilid ng kalsada sa Purok Uno, Barangay Southwest Poblacion.

Ayon kay Lt. Michelle Olaivar, Spokesperson ng Police Regional Office-10, harapang binaril si Matunog ng isa sa sakay ng motorsiklo.

Hahabulin pa sana ng kasama ni Matunog ang mga salarin pero binalikan niya ang biktima upang tulungan.

Nagtamo si Matunog ng tama ng bala sa bandang kanan ng batok na tumagos sa pisngi.

Patuloy na pinaghahanap ng pulisya ang mga nasa likod ng pamamaril habang ang pulitika ang isa sa tinitingnang anggulo sa krimen.

Gahol na sa panahon ang kongreso para sa pagpasa ng panukalang batas na mag-aamyenda sa Oil Deregulation Law.

Ito ang inamin ni Senate President Tito Sotto matapos aprubahan ng House Committee on Energy ang panukalang batas na layuning amyendahan ang Downstream Oil Industry Deregulation Act o Oil Deregulation Law.

Inihayag naman ni Senator Panfilo Lacson na sa committee level pa lang inaprubahan ang naturang bill at kailangan pa itong i-report at maisalang sa plenary deliberations.

Bagaman salat na anya sa oras, dapat tingnan ng mga mambabatas kung gaano ka-urgent ang pagpasa sa nabanggit na panukala.

Kasalukuyang naka-adjourn ang kongreso at magbabalik-sesyon sa Mayo a–23 o matapos ang national at local elections. —sa ulat ni Cely Ortega-Bueno (Patrol 19)

Umabot na sa 1.2 milyong batang edad lima hanggang labing-isa ang bakunado na kontra COVID-19.

Kabilang sa nasabing bilang ang nasa 380,000 fully vaccinated simula nang ilarga ang pediatric vaccination noong Pebrero a-7.

Inihayag ni Health Undersecretary Maria Rosario Vergeire na nasa 9.7 milyong mga edad  12 hanggang 17 na ang naturukan na rin ng COVID-19 vaccine.

Tiniyak naman ni Vergeire sa mga magulang na ipagpapatuloy ng pamahalaan ang pagbili ng mga akmang COVID-19 jabs para sa mga menor de edad.

Hindi pa napag-uusapan ang pagtataas ng pamasahe sa Metro Rail Transit (MRT) Line 3 sa kabila ng sunod-sunod na pagtaas ng presyo ng oil products.

Nilinaw ni MRT-3 Director for Operations, Engr. Mike Capati na nakatuon sila sa pagtulong sa mga pasahero at pag-iwas na makadagdag-pahirap sa publiko.

Kahapon ay inilarga ng mga kumpanya ng langis ang super bigtime price hike.

Ilang grupo naman ng public utility vehicle drivers at operators ang naghain ng petisyon na itaas ang pamasahe kasabay ng serye ng walang prenong pagtaasng presyo ng langis.

Kumbinsido si health reform advocate at dating National Task Force Against COVID-19 Special Adviser, Dr. Anthony “Tony” Leachon na pinakamainam na panatilihin sa alert level 1 sa halip na ibaba sa level 0 ang bansa hanggang sa araw ng eleksyon.

Ayon kay Leachon, hindi pa tapos ang pandemya at kung ibababa ang alert level 0 ay otomatikong darami ang mga lalabas na tao na maaaring mauwi sa hawaan lalo’t magsisimula na sa March 25 ang kampanya para sa local positions.

Ibinabala rin ng health expert na maaaring umabot sa Pilipinas ang COVID-19 variant surge sa South Korea, Hong Kong at Japan.

Hindi anya dapat masayang ang mga pinaghirapan ng gobyerno, lalo ng mga health care worker sa nakalipas na dalawang taon.

Wala pa ring supply ng kuryente sa 232 lugar sa Southern Leyte, tatlong buwan matapos hagupitin ng bagyong Odette.

Ayon sa Southern Leyte Electric Cooperative (SOLECO), hanggang noong Lunes, March 14, nasa 268 pa lamang mula sa 500 barangay sa lalawigan ang mayroong kuryente.

Nasa 66,000 bahay at establisyimento naman ang may kuryente na mula sa mahigit 105,000 apektadong consumer.

Sa ngayon, hindi pa rin naibabalik ang power supply sa 23 barangay sa bayan ng pintuyan at 15 barangay sa bayan ng San Ricardo.

Bahagya na ring naibalik ang kuryente sa Maasin City, mga bayan ng Macrohon, Padre Burgos, Tomas Oppus, Bontoc, Sogod, Liloan, Saint Bernard, Hinunangan, Malitbog, Libagon, Anahawan, Hinundayan at Limasawa.

Samantala, inaasahan namang maibabalik na nang tuluyan ng SOLECO ang power supply sa lahat ng bayan sa katapusan ng buwan.