Angelica Doctolero

Walang duda na nakakaengganyo ang pag-browse sa internet, pero huwag kalimutan ang limitasyon dahil kapag sobra-sobra, talagang mapapasama ka. Katulad na lang ng tatlong magkakapatid sa Texas na nag-amok dahil lang pinatayan ang mga ito ng Wi-Fi.

Ang buong kwento, eto.

Isang gabi sa isang bahay sa Houston, Texas U.S.A., pinatay ng 39-anyos na may-bahay ang kanilang Wi-Fi sa hindi tukoy na dahilan.

Dahil dito, ang mga anak niyang babae na nasa edad 14, 15, at 16, pinagtangkaan na ang buhay niya.

Ayon sa Harris County Sheriff na si Ed Gonzalez, sinubukan daw saksakin ng magkakapatid ang nanay nila gamit ang kitchen knives at hinabol pa raw nila ito sa loob ng kanilang bahay hanggang sa kalye.

Hindi lang kutsilyo ang ginamit ng magkakapatid para maisagawa ang kanilang plano at gumamit pa ang isa sa mga dalagita ng brick na ibinato naman sa ankle ng kanilang nanay.

Nadamay din ang kanilang lola na sinubukan lang namang iligtas ang nanay mula sa masamang binabalak ng magkakapatid.

Bilang resulta ng pag-aamok ng dahil lang sa pinatay na Wi-Fi, inireklamo ang tatlong dalita ng aggravated assault with a deadly weapon at dinala na sa Harris County Juvenile Detention Center.

Ikaw, isa ka rin ba sa mga nag-iinit ang ulo kapag bigla na lang nawawala ang Wi-Fi?

Nang dahil sa isang aksidente na nangyari sa mismong bahay kung saan ay dapat pinakaligtas ang mga tao, maagang binawian ng buhay ang isang baby, at sa kasamaang palad, involved ang kaniyang tatay sa insidente.

Ang buong pangyayari, eto.

Pasado alas dos ng madaling araw nitong March 29 nang aksidenteng mapahamak at nawakasan ang buhay ng isang taong gulang na baby girl sa mismong bahay nila sa Taman Desa Harmoni.

Ayon sa Police Chief ng Seri Alam District na si Mohd Sohaimi Ishak, paatras daw na inilalabas ng 27-anyos na tatay ang kaniyang sasakyan mula sa garahe ng kanilang bahay.

Ngunit bigla na lang daw nakarinig ng ingay ang lalaki sa kaliwang bahagi ng likuran ng kaniyang sasakyan.

Nang bumaba ang tatay para tingnan ito, nakita niya na lang na duguan ang isang taong gulang niyang anak na babae at wala ng malay.

Agaran niyang isinugod ang bata sa Sultan Ismail Hospital ngunit binawian din ito ng buhay dahil sa severe head injuries na tinamo nito mula sa aksidente.

Iniimbestigahan ng mga otoridad ang insidente sa ilalim ng Section 41 (1) ng Road Transport Act Of 1987 na tumutugon sa reckless o dangerous driving na nagresulta ng casualty.

Samantala, nagbigay ng paalala ang mga otoridad na maging mas maingat sa pagmamaneho lalo na kung mayroong mga bata sa paligid.

Ikaw, ano ang masasabi mo sa kalunus-lunos na pagkawala ng bata na ito?

Kakaiba man at nakapagtataka ang living conditions ng babae sa kwentong ito, nakakaantig naman ang dahilan kung bakit mas pinili niya na manirahan sa isang banyo kaysa maghanap ng boarding house at magbayad ng mataas na renta.

Ang buong kwento ng babae, eto.

Kung ang iba ay labanan ang aesthetic at palakihan ng bahay, ang 19-anyos babae na ito mula sa Hunan, China, ginulat lang naman ang mga netizen matapos niyang ipakita online ang tinitirhan niya.

Ang babae kasi, hindi sa magarang dorm o borading house nakatira kundi sa isang banyo.

Dahil sa hirap ng buhay, pinili ng dalagita na manirahan na lang sa 6-square-foot na hindi ginagamit na banyo sa loob ng furniture factory na pinagtatrabahuhan niya.

Dahil talaga nga namang kakaiba ang living conditions ng babae, hindi naiwasan ng ilang netizen na hindi maniwala sa kaniya, ngunit pinatotohanan ito ng kaniyang boss at sinabi pa na hindi niya tinatanggap ang 50 yuan na ibinabayad sa kaniya ng babae para sa tubig at kuryente.

Ang mabait na boss, nag-offer pa na hanapan siya ng ibang matutuluyan ngunit mas pinili pa rin nito ang nasabing banyo.

Ang rason sa pagtitipid ng dalagita ay dahil gusto niya raw palang makatulong sa kaniyang pamilya pagdating sa gastusin. Sa katunayan ay tumigil ito sa pag-aaraal sa edad na 16 para magtrabaho.

Umani naman ng iba’t ibang reaksyon ang post ng babae. Ang ilan ay humanga sa kasipagan nito, habang ang iba naman ay mas concerned sa kaniyang kalusugan.

Gayunpaman, ipinapaayos na raw ng kaniyang boss ang isa sa mga opisina na inaasahang lilipatan ng babae.

Ikaw, pipiliin mo rin bang tumira sa banyo para makapagtipid?

Isa na namang kaso ng animal cruelty ang naitala at isa na namang hayop ang nawalan ng buhay. Ang masaklap pa rito, ang amo mismo ang dahilan ng pagkamatay ito.

Ang buong kwento, eto.

Paalis sana ng Florida ang 57-anyos na si Alison Lawrence patungo sa colombia kasama ang 9-anyos niyang alagang aso na si Twyinn.

Pero pagdating sa Orlando International Airport, nagkaroon ng aberya at hindi pinayagan si Alison na sumakay ng eroplano kasama ang kaniyang aso dahil wala itong health certificate at rabies vaccination.

Matapos makipag-usap sa isang airline agent, nagtungo si Alison sa isang banyo kasama ang kaniyang aso.

Pero nahulicam sa CCTV na nang lumabas ito pagkalipas ng 20 minuto, hindi na kasama ni Alison ang aso.

Dahil wala na ang aso, matagumpay nang nakasakay ng eroplano si Alison.

Pero ang ginawa niyang krimen, hindi niya natakasan dahil mayroong janitor na nakakita sa wala ng buhay na katawan ng aso sa basurahan.

Kasama ring natagpuan ang companion vest nito, collar, rabies tag, travel band, at dog tag na mayroong pangalan at contacts ni alison.

Base naman sa imbestigasyon, lumalabas na pagkalunod ang ikinamatay ng kawawang aso.

Samantala, pagkauwi ni Alison sa Florida matapos bumyahe sa Bogota, Colombia at Ecuador, naaresto ito dahil sa aggravated animal abuse ngunit nakapagpyansa ito sa halagang 5,000 U.S. dollars o 286,657 pesos.

Sa mga pet lovers diyan, ano ang masasabi niyo sa kwento na ito at sa sunud-sunod na naitalang mga kaso ng animal cruelty?

Lahat naman yata tayo ay nag-online shopping na? Mas convenient nga naman kasi ito lalo na kung wala tayong time na lumabas. Pero nasubukan mo na bang mamalengke online? Ganyan ang ginawa ng mga residente sa ilocos matapos mag-live selling ang isang lalaki sa ilog!

Ang buong kwento, eto.

Pinatunayan ng isang lalaki mula sa Dingras, Ilocos Norte na talaga namang gamit na gamit ng mga pilipino ang internet at social media lalo na pagdating sa pagnenegosyo.

Ang lalaki kasi, nag-live selling ng mga isda doon mismo sa ilog kung saan niya nahuli ang mga ito.

Nasaktuhan kasi na nagkalat ang mga isda sa nasabing ilog dahil ayon sa mga residente, tipikal na raw itong nangyayari sa tuwing mainit ang panahon.

Sa dami ng mga nahuling isda, umabot ito ng 170 kilos at kabilang sa mga ito ang carp, tilapia, dalag, at mga isdang maaaring gawing kilawin.

Nagsagawa pa ng live tasting ang isang lalaki at nag-recommend pa na masarap daw pang-kilawin ang hawak niyang isado bago ito kinagatan.

Dahil sa presyong 130-300 pesos per kilo, nagkaniya-kaniyang place order agad ang mga nnaonood sa live selling. Ang kaibahan nga lang nito sa pag-o-online shopping ay sila mismo ang nag-pick up ng kanilang orders sa bahay ng mga nanghuli.

Kung ikaw ang nakakita sa live selling na ito, oorder ka rin ba?