Walang nakikitang banta sa seguridad ang Philippine National Police habang naghahanda ito para sa ikalimang State of the Nation Address ni Pangulong Ferdinand Marcos Jr.
Ayon kay PNP Spokesman, Col. Allen Rae Co, “All systems go” na ang pambansang pulisya sa pagpapanatili ng kapayapaan at seguridad sa darating na Lunes, Hulyo 27.
Gayunman, handa anyang tumugon ang PNP sakaling makatanggap ito ng impormasyon ng posibleng banta, at inaasahang aaksyunan kaagad nila ito.
Dagdag pa ni Col. Co, mahigit dalawampung libong pulis ang inaasahang ide-deploy sa paligid ng Batasang Pambansa sa araw ng SONA.
Samantala, nasa full alert na rin ang National Capital Region Police Office simula pa 05:00 ng hapon, Hulyo 24. | Sa panulat ni Anjo Riñon
