Lumutang ang isang audio clip ng itinuturing na lider ng international terrorist group na ISIS o Islamic State of Iraq and Syria na si Abu Bakr Al Baghdadi.
Ito’y makaraang ihayag ng Russia noong Mayo 28 ng nakalipas na taon na napatay nila si Baghdadi nang bombahin nila ang pinagtataguan ng ISIS leader sa Raqqa.
Batay sa inilabas na audio clip ng ISIS, maririnig ang pahayag ni Al-Baghdadi hinggil sa usapin ng mga banta ng NoKor o North Korea laban sa Amerika.
Patuloy din anito ang pakikipagbakbakan ng ISIS sa Mosul gayundin sa iba pang pinagkukutaan ng Sunni Muslim Group sa Gitnang Silangan.
Gayunman, kasalukuyan pang sumasailalim sa matinding verification ng mga eksperto ang nasabing audio clip kaya’t hindi pa makumpirma kung sa ISIS leader nga ang naturang boses.
—-
