Natuklasan ng Thai Police ang planong asasinasyon laban kay Prime Minister Prayuth Chan-o-cha.
Ayon sa ulat, dose-dosenang armas at pampasabog ang nasabat ng mga awtoridad mula sa isang miyembro ng Red Shirt Movement, ang political group na loyal sa exiled Prime Minister na si Thaksin Shinawatra.
Ang naturang mga matataas na uri ng armas at natagpuan sa bahay ng isang Red leader.
Maliban dito, siyam (9) katao rin ang inaresto kaugnay sa umano’y planong asasinasyon.
Matatandaang ang noo’y Army Chief na si Prayuth ang nasa likod ng pagpapatalsik sa gobyernong pinamumunuan ng kapatid ni Thaksin na si Yingluck Shinawatra sa pamamagitan ng kudeta noong 2014.
By Ralph Obina
