Magkaibigan lamang ang relasyon nina Arci Muñoz at JM De Guzman.
Ito ang nilinaw ni Arci at JM matapos umani ng maraming reaksyon sa netizen ang kanilang latest vlog sa “Boracay Revelation”.
Dahil dito, maraming fans at mga kaibigan nila sa showbiz ang bumati na napalitan ng pagkadismaya lalo’t nakalipas na ang araw ng “April Fool’s Day”.
Nabatid naman na aminado ang aktres na si Arci na kadalasan itong sawi sa pag-ibig kung saan lagi siyang iniiwan sa puntong nakakalimutan na niya ang kanyang sarili.
Magugunitang ang naging huling boyfriend ng aktres ay isang Chinese businessman na tumagal ng dalawang taon. —sa panulat ni Rashid Locsin
