Isang magandang hakbang ayon Lingayen Dagupan Archbishop Emeritus Oscar Cruz ang ginawa ni Pangulong Rodrigo Duterte kaugnay sa pagbawi nito ng kapangyarihan sa PNP o Philippine National Police sa kampanya kontra iligal na droga ng pamahalaan.
Ayon kay Cruz, ipinapakita lang ng Pangulo na hindi niya binabalewala ang hinaing o sentimyento ng publiko kaugnay sa kaniyang ipinatutupad na mga sistema sa ilalim ng kaniyang pamumuno.
Hindi naman kasi aniya kaila na naging marahas sa paghawak ang pnp sa kampanya kontra droga ng administrasyon.
Payo naman ni Cruz sa Philippine Drug Enforcement Agency na tukuyin na ang mga malalaking tao sa likod ng iligal na droga sa bansa.
