Nakatanggap ng 2 delivery trucks ang Agrarian Reform Beneficiaries Organizations (ARBOS)mula sa Department of Agriculture (DA) sa pamamagitan ng enhanced partnership against hunger and poverty program na inisyatiba ng gobyerno.
Ang naturang programa ay naglalayong mabawasan ang hunger rate, tiyakin ang food security at magtatag ng sustainable agriculture sa bansa.
Ang mga farm machineries na nagkakahalagang P570,000 ay sinasabing makatutulong upang mapabilis ang paghahatid ng kanilang mga produkto at magkaroon ng karagdagang kita.
Ito rin ay alinsunod sa direktiba ni Department of Agrarian Reform (DAR) Secretary Conrado Estrella III upang mapabuti ang kabuhayan ng mga benepisyaryo.
Tatanggap ng mga naturang delivery trucks ang greeners multi-purpose cooperative mula sa munisipalidad ng Bambang, at Villaverde development cooperative mula sa bayan ng Villaverde. -sa panunulat ni Hannah Oledan
