Nagsumite na ng aplikasyon ang Russian Direct Investment Fund o RDIF sa World Health Organization para sa Emergency Use Listing (EUL) at prequalification ng Sputnik V.
Nagdulot naman ito ng pagkabahala sa mga siyentipiko at doktor mula sa iba’t ibang bansa dahil wala pang kasiguraduhan kung ligtas at epektibo ito.
Ang emergency use listing ang magpapabilis ng availability ng bakuna sa buong mundo habang ang WHO prequalification naman ay isang global quality tag na titiyak na epektibo at ligtas ang bakuna.
Sa oras na makapasa ang aplikasyon ng Sputnik V sa EUL posible na itong mapahintulutan na isama sa listahan ng medical products na naabot ang standard ng international body pagdating quality, safety at efficacy standards.
