Tiniyak ng militar na hindi nila tatantanan ang alinmang grupong naghahasik ng lagim at patuloy na paiigtingin ang kanilang kampaniya kontra terrorismo.
Kahapon, timbog ng pinagsanib na puwersa ng militar at pulisya ang apat na matataas na opisyal ng New People’s Army (NPA) sa kabangkalan, Negros Occidental.
Sa impormasyong ipinabatid ni Army’s 3rd Infantry Division Spokesperson Maj. Cenon Pancito III sa Kampo Aguinaldo, bunsod ito ng ikinasa nilang operasyoon sa Sitio Mamposo, Brgy. Magballo sa nabanggit na bayan.
Kinilala ang mga naarestong lider komunista na sina Emmylo Cañares, secretary ng Second National Urban Center Party Committee; George Buga-ay, Regional Communications chief ng Kilusang Rehiyon Negros.
Gayundin sina Relyn, Moreno at Raffy Patajo na pawang mga regional communications staff ng nabanggit na grupo.
Nakumpiska mula sa grupo ang isang 45 ay 38 baril na kargado ng mga bala, apat na granada, pera na nasa mahigit P119,000 ang halaga, cellphone at mga subersibong dokumento.