Andre Iguodala mananatili sa Golden State Warriors

Mananatili sa defending champion team na Golden State Warriors ang free agent swingman na si Andre Iguodala.

Ayon sa ulat, binigyan pa ng tatlong taon sa koponan ang trenta’y tres (33) anyos na reserve.

Nagkasundo din ang pamunuan ng Warriors at Igoudala sa kontratang nagkakahalaga ng apatnapu’t walong (48) milyong dolyar.

Una rito, kabilang sa mga kumausap na koponan kay Iguodala ay ang San Antonio Spurs at Houston Rockets.

Matatandaang si Iguodala ang 2015 NBA Finals MVP at finalist din sa NBA Sixth Man of the Year.

By Ralph Obina    

Comments

comments