Nagpositibo sa COVID-19 ang tatlong taong gulang na anak nina Iya Vilalania at Drew Arellano.
Sa Instagram Post ng Host, ibinahagi nito ang larawan na kung saan katabi niya ang kanyang anak na si Leon.
Ayon kay Iya, nilagnat at nagsuka si Leon pagkagising ng umaga at nang magpatest ay nagpositive nga ito sa naturang virus.
Dagdag ni Iya hindi lamang siya at ang kanyang anak pati na rin ang ilang kasama sa bahay ay dinapuan din ng nakakahawang sakit.
Paliwanag pa ng tv host na umaasa ito na hindi na madapuan ang iba pang kasama sa bahay lalo na ang kanyang dalawang anak na si Alana At Primo.
Nagpasalamat pa rin si Iya na naranasan na nila ang virus para kung sakaling magkasakit ang mga anak alam na umano nila kung paano ito maaalagaan.
