Winalis ng Alas Pilipinas ang Kyrgyzstan Women’s National Volleyball Team sa 2026 AVC Women’s Volleyball Cup sa scores na 25-9, 25-11, 25-17.
Nasungkit ng Alas ang ikalawang panalo sa tatlong laro upang umangat sa 2-1 record sa Pool A, habang bumagsak ang Kyrgyzstan sa 0-3.
Pinamunuan nina Thea Gagate at Jovelyn Gonzaga ang opensa ng Pilipinas, kung saan kumamada si Gagate ng 11 points habang pumalo si Gonzaga ng 10 points.
Target ngayon ng Alas Pilipinas na mapalakas pa ang kampanya para sa semifinals sa pagsagupa sa South Korea Women’s National Volleyball Team, na kasalukuyang nangunguna sa Pool A na may malinis na 2-0 record.
