Sumampa na sa 10,534 ang buong bilang ng mga pulis na dinapuan ng coronavirus disease 2019 (COVID-19) habang 516 sa mga ito ang aktibong kaso.
Ito ay matapos makapagtala ng karagdagang 15 kaso ang Philippine National Police (PNP) nitong Martes, Pebrero 9.
Nadagdagan naman ng 52 ang bilang ng mga nakalabas na sa ospital dahilan upang pumalo sa 9,988 ang kabuuang numero ng mga nakarekober na pulis.
Samantala, nanatili naman sa 30 ang bilang ng lahat ng nasawing kapulisan dulot ng COVID-19.— sa panulat ni Agustina Nolasco
