Mahihgpit na pinatututukan ni Armed Forces of the Philippines o AFP Chief of Staff Gen. Cirilito Sobejana ang evacuation efforts sa mga residenteng pinakamatinding apektado pag-aalburuto ng bulkang Taal.
Ito ang inihayag ni AFP Spokesman, Marine Maj/Gen. Edgard Arevalo kasabay ng pagtitiyak ng tulong at pag alalay ng Sandatahang Lakas.
Ayon kay Arevalo, nakastandby na ang kanilang mga kagamitan at tauhan mula sa 2nd Infantry Division ng Philippine Army gayundin mula sa 730th Combat Group ng Air Force sa Fernando Airbase sa Lipa City.
Nakikipag-ugnayan na rin aniya si Joint Task Group Taal Commander BGen. Rommel Tello sa mga Local Chief Executive ng Batangas para sa anumang pagtugon na kanilang gagawin partikular na sa paglilikas sa Laurel at Agoncillo.—ulat mula kay Jaymark Dagala (Patrol 9)
