Tiniyak ng Armed Forces of the Philippines o AFP na ginagawa nila ang lahat ng kanilang makakaya upang maprotektahan ang teritoryo ng Pilipinas partikular na ang West Philippine Sea.
Ito’y sa harap na rin ng pagtatayo ng China ng military facilities sa West Philippine Sea.
Ayon kay AFP Chief of Staff General Carlito Galvez Jr., hindi man niya madetalye ang mga hakbang na ginagawa nila para na rin umano sa pag-iingat ng kanilang impormasyon, kaniyang tinitiyak na patuloy nilang ginagampanan ang kanilang tungkuling protektahan ang mga teritoryo ng bansa sa anumang banta ng pananakop.
Sa katunayan aniya, ay nagdagdag pa ng pwersa ng militar upang makaagapay nila sa pagpapanatili ng kasarinlan sa West Philippine Sea.
Samantala, sinabi ni Galvez na kasalukuyang nilang binebiripika ang inilabas na satellite images ng Estados uniDos hinggil sa paglalagay ng China ng signal jammers.
—-
