Hinimok ng isang mambabatas sa Inter-Agency Task Force (IATF) ang pagpapalabas ng istriktong guidelines para sa tamang disposal ng mga gamit na face mask at face shield.
Layon ng inihaing House Resolution 1244 na mapagpatupad ang gobyerno ng mahigpit na panuntunan na susundin sa tamang pagtatapon ng face mask, face shields at iba pang waste materials na ginagamit sa pang-medikal o may kaugnayan sa COVID-19.
Ayon kay Diwa Partylist Rep. Michael Edgar Aglipay, dahil sa araw-araw na paggamit ngayon ng publiko ng face mask at face shield, nagkakaroon ng hindi magandang epekto sa kapaligiran dahil sa pagtaas ng waste materials.
Kapag hindi aniya naging maingat sa pagtapon ng mga ito, posibleng maging banta pa ito sa kalusugan ng nakararami.