Inilunsad na rin ng Armed Forces of the Philippines (AFP) ang pagbabakuna kontra COVID-19 sa mga dependent ng mga sundalo.
Nagsimula na kanina ang vaccination roll-out para sa military dependents na nasa edad 12 hanggang 17 sa AFP Medical Center o mas kilala na V. Luna Hospital sa Quezon City.
Pinangunahan ito nina Major Vicente Vila at Major Carrol Mae Osia ng AFP Health Service Command ang pagbabakuna sa higit apat na raang (426) benepisyaryo.
Ipinakita lang ng mga kabataang binakunahan ang kanilang psa authenticated birth certificate at ID gayundin ng magulang habang kailangan din ng Notarized Certificate of Guardianship para sa mga guardian
Samantala, kailangan naman magpakita ng medical certificate kung ang babakunahan ay may comorbidity. —sa ulat ni Jaymark Dagala (Patrol 9), sa panulat ni Airiam Sancho
