Isang Arsobispo sa Iloilo ang tinamaan ng COVID-19 habang isang madre ang nasawi sa nabanggit na sakit.
Kinilala ang pasyenteng si Archbishop Jose Romeo Lazo ng Archdiocese of Jaro.
Ayon kay Archdiocese of Jaro, Commission on Social Communications Director, Fr. Angelo Colada, nasa maayos ng kondisyon si Lazo na nakaranas ng mild symptoms.
Marso 15 aniya nang bakunahan ng astra zeneca ang 72-anyos na Arsobispo, pero nito lamang Agosto 5 ay nagpositibo sa COVID-19.
Inihayag naman ni Iloilo City Mayor Jerry Treñas na ang madreng nasawi ay mula sa Carmelite order monastery sa La Paz.
Apat na madre na aniya ang namatay sa nasabing monasteryo mula sa 24 na kasong naitala.—sa panulat ni Drew Nacino