Labingsiyam ang arestado, kabilang ang isang menor de edad, dahil sa paglabag sa health protocols at illegal gambling sa isang bilyaran sa Santo Tomas City, Batangas kung saan nagsilbing guest player si billard legend Efren “Bata” Reyes.
Nakatanggap ng impormasyon ang Sto. Tomas City Police na mayroon umanong iligal na pustahan sa isang bagong bukas na bilyaran.
Agad nagpulasan ang mga tao sa bilyaran nang dumating ang mga pulis at napag-alamang kada set ng laro ay nagkakaroon ng pusta na kalauna’y palaki nang palaki.
Bukod sa mga inaresto, narekober din mula sa mga ito ang 14,000 peso bet money.
Matapos imbitahan sa presinto, agad namang pinauwi si Reyes na aminadong hindi niya alam na nagkaroon ng pustahan.
