Nakiusap sa media si Armed Forces of the Philippines (AFP) Chief of Staff General Hernando Iriberri na maging maingat sa paglalabas ng mga balita partikular sa usapin ng terorismo.
Sa gitna na rin ito ng report na may apat nang training grounds sa Mindanao ang grupo ng ISIS.
Nilinaw ni Iriberri na isang grupo na sangkot sa criminal activities ang natukoy nilang kumikilos sa rehiyon at nais lamang aniya ng mga itong maiugnay sa ISIS.
Subalit wala aniyang anumang impormasyon silang nakalap hinggil sa isyu ng umano’y natukoy na Jihadist camp at hindi nila batid kung sino ang source ng reporter na gumawa ng nasabing balita.
By Judith Larino
