Pumanaw na sa edad 74 ang Actor-Celebrity Stylist at Make-Up Artist na si Felix Mariano o kilala bilang si “Fanny Serrano.”
Sa post ng anak ni fanny na si Maktin Miranda, kaniyang pinasalamatan ang lahat ng nagpaabot ng pakikiramay at nagbigay pugay sa pagkawala ng kaniyang ama.
Nagpahayag din ng pagdadalamhati si Maktin sa kanyang ama na itinuturing niyang isang icon dahil sa mga kontribusyon nito sa beauty at entertainment industry.
Nabatid na ilang beses narin nakaranas ng heart attack si Fanny bago siya nasawi alas-nueve ng gabi noong Martes sa kanilang bahay.
Sa ngayon, inaayos pa rin ang lahat ng mga dokumentong kailangan ng pamilya serrano sa pagpanaw ng aktor.
Si Fanny ay kilala bilang isang mahusay na artist maging sa kaniyang mga amazing make-up transformation.
