Hindi kumbinsido si Acting Davao City Mayor Sebastian “Baste” Duterte na epektibo ang proyektong ‘Benteng Bigas Meron Na’ ng administrasyon ni Pangulong Ferdinand Marcos Jr.
Ito ay kasunod na rin ng nagdaang State of the Nation Address ng Pangulo kung saan isa sa binigyang-diin ng Pangulo ang pagpapalawig pa sa naturang programa.
Sa halip, iminungkahi ng Bise-Alkalde na ipamigay na lamang nang libre ang bigas sa mga nangangailangan kung subsidiya rin lamang ang mangyayari.
Ginawa ng nakababatang Duterte ang pahayag sa pinakahuling episode ng programang “Basta Dabawenyo” podcast.
