Isinusulong ni Senador Bam Aquino sa Senado ang resolusyon para sa “absolute parliamentary immunity” o pagbibigay proteksyon sa nagiging talumpati ng mga mambabatas sa session hall.
Batay sa Senate Resolution 697, malinaw na nakasaad sa Article 6, Section 2 ng Saligang Batas na maaaring kuwestyunin o papanagutin ng mga mambabatas ang talumpati o debate ng kanilang kasamahan.
Labing siyam (19) na Senador na kapwa nagmula sa mayorya gayundin sa minorya ang lumagda sa naturang resolusyon at walang tumutol dito.
Matatandaang tuluyan nang kinasuhan si Senador Antonio Trillanes IV ng “inciting to sedition” sa korte matapos ang naging privilege speech nito ukol sa umanoy bilyong pisong halaga ng bank deposit ni Pangulong Rodrigo Duterte.
(Ulat ni Cely Ortega-Bueno)
