Nagtungo sa National Bureau of Investigation (NBI) ang abogadong si Atty. Mark Tolentino para magpaliwanag sa umano’y kinasasangkutan niyang financial scandal sa German payment firm na Wirecard.
Ayon kay Tolentino, personal siyang nagpaliwanag sa NBI at nakatakdang isumite ang kanyang written explanation bukas o sa Miyerkules.
Magugunitang, sinabi ni Justice Secretary Menardo Guevarra na iimbitahan ng NBI si Tolentino para bigyang linaw ang umano’y pagkakasangkot nito sa kontrobersiya kung saan sinasabing nawalan ang Wirecard ng €1.9-bilyon o katumbas ng $2.1-bilyon.
Una na ring sinabi ni Tolentino na na-frame up lamang siya at posibleng biktima ng identity theft.
