Patay ang 1 abogado habang sugatan naman ang 11 katao na sakay ng isang coaster van matapos mahulog sa bangin sa barangay Barangiran, Bayan ng Alamada, Cotabato Province.
Kinilala ng mga awtoridad ang namatay na si Atty. Minerva Sacar-Guiling, isang audit officer ng Commission on Audit na nakatalaga sa Bureau of Fire Protection.
Ayon sa Philippine National Police, nagkaroon umano ng problema ang sasakyan at nawalan ng kontrol ang driver.
Galing sa isinagawang Operational Readiness, Site Inspection and Troop Evaluation Operations o ORSITE ng BFP Lanao del Sur ang mga biktima nang mangyari ang aksidente.
Sinabi naman ng BFP na magbibigay sila ng kaukulang ayuda sa mga biktima.—sa panulat ni Hya Ludivico
