Naabot ng Bangsamoro Autonomous Region in Muslim Mindanao (BARMM) ang mahigit 94% ng target nilang mabakunahan kontra measles o tigdas at rubella.
Batay ito sa datos ng BARMM Ministry of Health, kasabay ng pagtatapos ng vaccination program noong Biyernes, Disyembre 11.
Ayon sa BARMM Ministry of Health, mahigit 470,000 sa target na halos 500,000 batang may edad limang taon pababa ang nabigyan nila na ng bakuna kontra measles at rubella.
Anila, 96% ng kanilang target na recipient ang nabakunahan sa Maguindanao, ang may pinakamalaking bilang ng kanilang inaasahang mababakunahan na umaabot sa mahigit 156,000.
Habang lumagpas naman sa kanilang target na bilang ang nabigyan ng bakuna sa lamitan basilan na umabot sa mahigit labing isang libong mga kabataan.
Oktubre a-bente uno lamang nasimulan ang vaccination program sa Maguindanao, Basilan, Sulu at Tawi-tawi na naantala dahil sa COVID-19 pandemic.
Pinalawig naman ito hanggang noong Disyembre 11 upang maabot ang mas maraming mga kabataan.
