Nangangamba ang siyam sa sampung Pilipino na magkasakit ng coronavirus disease (COVID-19) gayundin ang mahawaan ang kanilang mga mahal sa buhay ayon sa Social Weather Stations (SWS).
Tinatayang may kabuuang 91% ang sumagot sa survey kung saan 77% rito ay nagsabing sila‘y lubhang nangangamba habang 14% naman ang sumagot na sila ay medyo nag-aalala.
Samantalang 3% naman sa mga ito ay bahagyang nangangamba lamang at 5% naman ang nagsabing hindi sila nangangambang mahawaan ng naturang virus.
Naitala namang 95% sa nagsabing nangangamba sila ay mula sa Visayas , sinundan ng Mindanao na nasa 95% samantalang 89% ang mula sa Luzon at 85% ang mula sa Metro Manila
Isinagawa ang naturang survey mula Nobyembre 21 hanggang 25 kung saan ito ay anim na beses na mas mataas kumpara sa isinagawang survey noong Setyembre noong nakaraang taon.—sa panulat ni Agustina Nolasco
