Nasa 900 botante ng Panabo City sa Davao del Norte ang hindi makakaboto sa Lunes, Mayo 13 dahil sa iba’t ibang kadahilanan.
Ayon kay Atty. Aimee Ampoloquio, provincial election supervisor ng Comelec sa nasabing rehiyon, ilan sa nasabing bilang ng botante ang napatunayang dalawa ang registration.
Habang ang iba naman ay nagpalipat na ng lugar o local absentee voters at ang iba ay namayapa na.
Kaninang umaga lamang ay nagsimula na ang ilang tauhan ng Comelec na ipamahagi ang official ballots, forms, mga suplay at paraphernalia bilang paghahanda sa eleksyon bukas.
Nabatid na mahigit isandaang libo ang rehistradong botante sa Panabo City.
