Pumalo na sa 86 ang nasawi habang 7,000 naman ang naaresto sa anti-drug campaign sa Bangladesh sa loob lamang ng isang buwan.
Ayon sa mga awtoridad nasawi ang nasabing mga drug suspects matapos manlaban ang mga ito.
Nilagdaan ni Prime Minister Sheikh Hasina ang kampaniya kontra iligal na droga nitong buwan dahil sa pagkalat ng isang uri ng ipinagbabawal na gamot na tinatawag na yaba.
Nanindigan si Hasina na magpapatuloy ang kanilang anti-drug campaign hanggang tuluyang matuldukan ito sa kanilang bansa.
