Sisikapin ng Philippine National Police (PNP) na mahuli na ang 80 akusado sa Maguindanao massacre na nananatiling at large.
Ayon kay PNP-OIC Police Lieutenant General Archie Gamboa, kasalukuyang minomonitor ng mga tauhan ng PNP-BARMM ang aktibidad ng mga kilalang taga suporta ng mga Ampatuan.
Inatasan na rin niya ang Criminal Investigation and Detection Group (CIDG), Intelligence Group at PNP-BARMM para sa manhunt operations ng mga nanatiling at large.
Samantala, pinuri naman ng PNP ang naging desisyon sa Maguindanao massacre na anila ay isang patunay na walang kinikilala ang batas —ulat mula kay Jaymark Dagala (Patrol 9).
