Lumobo pa sa 56% ng mga Pilipinong naniniwalang dapat payagan ng gobyerno ang pag-iimbestiga ng International Criminal Court sa madugong giyera kontra droga ng administrasyon ni Dating Pangulong Rodrigo Duterte.
Batay ito sa pinakabagong survey ng Social Weather Stations na isinagawa noong Disyembre 10-14.
Umabot naman sa 19% ang tutol na makipagtulungan ang bansa sa imbestigasyon sa war on drugs ng nakaraang administrasyon.
Una nang sinabi ni Pangulong Ferdinand “Bongbong” Marcos Jr. na hindi sila makikipagtulungan sa ICC kaugnay ng imbestigasyon sa dahilang pagtapak ito sa soberanya ng Pilipinas, lalo na’t kaya naman maglitis ng mga lokal na korte.- sa panunulat ni Jeraline Doinog