Lima (5) na ang nasawi habang tatlo (3) ang sugatan sa landslides dulot ng malakas na ulang dala ng bagyong Basyang sa bayan ng Carrascal, Surigao del Sur.
Kinilala ng Office of Civil Defense-Caraga ang mga biktimang sina Irene Lamela Benguilo, 20- taon, mga anak na sina AJ, 6-taon at MJ, 3-taon habang sugatan ang asawa niyang si James, 30-taon.
Ang mag-anak ay pawang residente ng barangay Gamuton na kabilang sa mga naapektuhan apat na oras bago mag-landfall sa bayan ng Cortes ang bagyo, kahapon.
Nakapagtala rin ng landslide sa barangay Babuyan sa Carrascal kung saan isa ang nasawi na kinilalang si Jay Conjurado, 10-taon.
—-
