Limang (5) kongresista ang kumpirmadong tatakbong senador sa 2016.
Una rito si boxing champion at Sarangani Representative Manny Pacquiao na inaasahang maghahain ng kanyang certificate of candidacy sa loob ng linggong ito.
Kahapon ay nakapaghain na ng kandidatura sina Leyte Rep. Ferdinand Martin Romualdez na senatorial candidate ng Lakas-CMD at ACT-CIS Partylist Rep. Samuel Pagdilao.
Inaasahan ding maghahain ng COC sina Valenzuela City Rep. Sherwin Gatchalian na tatakbo naman sa ilalim ng Nationalist People’s Coalition o NPC at ang re-electionist na si Senador Tito Sotto.
Nakatakda namang mag-file ng COC si COOP-NATCCO Partylist Rep. Cresente Paez bukas na kabilang sa senatorial ticket ng Liberal Party.
By Meann Tanbio
