Patay ang 45 katao kabilang na ang 12 menor de edad habang pito pa ang sugatan matapos magcrash at masunog ang isang bus sa kalsada ng Bosnek Village, Western Bulgaria na sakop ng Europe.
Base sa imbestigasyon ng mga otoridad, papauwe na sana ang grupo ng mga bus galing sa Turkey sakay ang 52 pasahero nang magliyab ang isa sa apat na bus.
Ayon kay Macedonia Chief Prosecutor, Ljubomir Joveski, nawalan ng kontrol ang naturang bus dahilan ng pagkakabangga nito sa mga guard rail ng kalsada.
Dito na nagliyab ang naturang bus at nasunog ang ilan sa mga sakay nito kung saan, karamihan sa mga sakay ay residente sa lugar.
Sa ngayon, nagdeklara na ng national mourning ang Bulgarian Government habang nagpahayag narin ng pakikiramay si European Commission President Ursula Von Der Leyen para sa mga nasawing pasahero. —sa panulat ni Angelica Doctolero
