Nais ni US President Donald Trump na isailalim sa rehabilitasyon at modernisasyon ang nuclear arsenal ng Amerika.
Ito ang nilinaw ni Trump makaraang lumabas ang balita na nais niyang dagdagan ang mga armas nukleyar sa gitna ng nuclear threat ng North Korea.
Ayon kay Trump, hindi kailangang magdagdag ng nuclear weapons lalo’t masyado na itong marami at magastos sa maintenance.
Sa ngayon ay nasa 6,800 ang nuclear warheads ng Amerika kung saan 1,800 sa mga ito ang idineploy.
Samantala, hindi na ikinagulat ng NoKor ang hakbang ni Trump at tiniyak na nakahanda sila sa oras na maglunsad ng pag-atake ang US maging ang mga kaalyadong bansa nito.