Arestado ang isang lalaki dahil sa panghoholdap sa isang remittance service company sa General Espino St. Barangay Central Signal Village, Taguig City.
Kinilala ang suspek na si Michael Catalan, 42 taong gulang, at residente ng Pasay City.
Nakatanggap ng sumbong ang pulisya ukol sa panghoholdap ni Catalan sa sangay ng LBC sa Central Signal Village at doon na ito nasakote.
Nakuha mula rito ang isang improvised shotgun o sumpak na may kasamang bala at cash remittance na aabot sa mahigit P8K.
Nakakulong na ngayon ang suspek at nakatakdang sampahan ng reklamong robbery.
