Magbubunyag ng mga bagong impormasyon ang ibang miyembro ng Davao Death Squad na lalantad.
Sinabi ni Senador Antonio Trillanes na magsisiwalat sila ng mga bagay na magpapatunay sa mga nauna nang isiniwalat nina retired SPO3 Arthur Lascañas at self-confessed Davao Death Squad killer Edgar Matobato.
Una nang kinumpirma ni Trillanes ang mga sinabi ni Lascañas na may apat pang miyembro ng Davao Death Squad ang planong lumantad at magsalita ng kanilang nalalaman ngunit sinusuri pa nila kung totoo ang ihahayag ng mga ito.
Samantala, handa naman ang Senate Committee on Public Order and Dangerous Drugs Chair Panfilo Lacson na muling buksan ang imbestigasyon sa Davao Death Squad kapag may mga bagong testigo na lalantad.
By: Avee Devierte / Cely Bueno
