Patay ang apat katao matapos masunog ang kanilang bahay sa barangay San Isidro Iloilo City.
Kinilala ang mga nasawi na sina Evangeline Girapasco, Elvira Avelino, Richard Birapasco at Maria Cristina Dollente.
Batay sa paunang ulat ng Bureau of Fire Protection o BFP sa Iloilo City, hindi nagawang makalabas ng bahay ang mga biktima nang sumiklab ang sunog dakong alas-4:00 ng madaling araw.
Anim pang residente ng pareho ring bahay ang nasugatan sa sunog subalit naitakbo agad sa ospital.
Patuloy pa ang imbestigasyon sa sanhi ng sunog.
—-
