Arestado ang 2 indibidwal sa ikinasang anti-illegal drugs operation ng mga otoridad sa barangay Tubon Pigcawayan, Cotabato.
Kinilala ang dalawang suspek na sina Jholamin Samama Lembak, 32-anyos at Alikan Dipatuan Santiago, 31-anyos.
Ayon sa mga otoridad, isang under cover na pulis ang nagpanggap na bibili ng iligal na droga sa mga suspek.
Nang makumpirma ang iligal na transaksiyon ay dito na dinakma ang dalawang suspek na nakuhanan ng limampung gramo ng shabu at buybust money.
Nakapiit na sina Lembak at Santiago sa costudial facility ng Pigcawayan Municipal Police Station ang dalawang suspek na nahaharap sa kasong paglabag sa Republic Act 9165 o Comprehensive Dangerous Drug Act of 2002. —sa panulat ni Angelica Doctolero
