Nanawagan ng tulong sa publiko ang pamilya ng University of the Philippines (UP) law professor na si Ryan Oliva na napabalitang nawawala noon pang Sabado, ika-21 ng Nobyembre.
Sa Facebook post ng kanyang kapatid na si Randy Oliva, nanawagan ito sa publiko na kung may impormasyon sila sa kanyang nawawalang kapatid, ay agad itong ipagbigay alam sa mga awtoridad o kaya’y tumawag sa numerong 0906-300-1009.
Mababatid na nagtuturo ng legal history si Oliva sa ilalim ng UP College of Law at nagtatrabaho rin sa legislative liason unit ng Department of Tourism (DOT).
Dahil dito, nakikipagtulungan na rin ang pamunuan ng DOT sa Criminal Investigation and Detection Group hinggil sa pagkakawala ni Professor Oliva.