Iniharap sa media ni Manila Mayor Isko Noreno ang 35 naaresto sa operasyon kontra iligal na droga sa lungsod.
Ayon kay Moreno, sinusuportahan ng lungsod ang kampanya kontra iligal na droga ng pamahalaan kaya’t tiniyak nilang hindi ito kukunsintihin sa kanilang lugar.
Kasabay aniya rin nito ang pagtitiyak na hindi nalalabag ang karapatang pantao ng mga suspek.
May pagkakataon umano ang mga ito na patunayan sa korte na sila ay inosente sa iligal na aktibidad.
Matatandaang binigyan ng alkalde ng isang linggo ang Manila Police District at Philippine Drug Enforcement Agency para linisin sa iligal na droga at armas ang Baseco Compound.
