Patay ang 30 habang sugatan naman ang 35 katao matapos mahulog sa bangin ang isang bus na puno ng pasahero sa Nepal.
Ayon kay Shiva Ram Gelal, Chief District Government Officer ng Nepal Rasuwa District, karamihan sa mga pasahero ng bus ay nasa bubungan ng mahulog ito sa bangin.
Agad na nagsagawa ng rescue operation ang Nepalese Military at Police matapos ang aksidente sa Ramche, Rasuwa 20 milya ang layo mula sa Kathmandu.
Karamihan sa mga nasugatan ay dinala sa isang pagamutan sa Rasuwa, samantalang ang iba ay dinala sa isang ospital sa Nepalese Capital.
By Mariboy Ysibido
